Ministria e Arsimit dhe Shkencës do të nisë nesër procedurën për përgatitjen e teksteve për klasën e shtatë që do të përdoren në vitin e ardhshëm shkollor, pasi Byroja e Arsimit dhe Shkencës javën e kaluar dorëzoi në MASH planin mësimor për klasën e shtatë sipas konceptit të arsimit bazë i cili zbatohet me faza. Ministri Jeton Shaqiri njoftoi se nesër do të fillojë shpallja e thirrjeve për autorë për tekstet që do të krijohen sipas programeve të reja. Meqenëse ato janë dorëzuar në Ministrinë e Arsimit shumë më herët sesa janë dorëzuar programet për klasën e gjashtë, për shkak të së cilës tekstet janë vonuar këtë vit, ministri theksoi se tani do të ketë një periudhë mjaft të gjatë për përgatitjen dhe shpërndarjen në kohë.
JETON SHAQIRI, MINISTËR I ARSIMIT
“Në periudhën e kaluar kemi pasur probleme, por duam të dëshmojmë se me thirrjet me kohë për autorë do të kemi një periudhë të gjatë për përgatitjen dhe shtypjen e teksteve për vitin e ardhshëm shkollor. Si ministër kam kërkuar që programet për klasën e tetë dhe të nëntë të zhvillohen njëkohësisht në mënyrë që të kemi vazhdimësi të asaj që duhet të zbatohet plotësisht në arsimin fillor”.
Shaqiri tha se tekstet e historisë dhe shoqërisë për klasat e pesta dhe të gjashta nuk janë ende në mësim pasi edhe pse dorëshkrimet nga ekipet e autorëve janë dorëzuar në Ministrinë e Arsimit, nuk janë paraqitur recenzentë. “Prandaj u bëj thirrje të gjithë profesorëve, siç u përfshinë për të gjitha tekstet e tjera që i përfunduam, të përfshihen edhe për tekstin e Historisë dhe Shoqërisë”, theksoi Shaqiri.
Medina Ajeti Ali /SHENJA/
MARKETING
