Gjatë grevës shkollat fillore dhe të mesme do të vazhdojnë të punojnë, gjegjësisht do të pranojnë nxënës dhe do ta organizojnë procesin edukativo-arsimor. Kështu thonë nga Ministria e Arsimit dhe Shkencës. Udhëheqësit e shkollës thonë ata, kanë detyrim ligjore që ta organizojnë procesin edukativo-arsimor dhe të mundësojnë vazhdimin në kontinuitet dhe ndjekjen e mësimit në klasa.
Ministria e Arsimit dhe Shkencës
“Nuk guxon të ketë ndërprerje, përveç në kushte dhe rrethana të jashtëzakonshme siç janë ekzistimi i gjendjes së krizës, gjegjësisht pandemisë, zjarreve, vërshimeve ose fatkeqësive tjera natyrore për të cilat vendos Qeveria, dhe e rregullon mënyrën e organizimit dhe realizimin e mësimit deri në fund të vitit shkollor”.
Rregullativat juridike në këtë fushë sipas Ministrisë, i mbrojnë interesat e nxënësve në përputhje me ligjin për shkollat fillore dhe të mesme, punën edukativo-arsimore duhet ta realizojnë gjatë tërë vitit mësimor.
Edhe Ministria e Punës dhe Politikës Sociale, një ditë më parë bëri me dije se të gjitha institucionet parashkollore do të vazhdojnë veprimtarinë e tyre për përkujdesin dhe edukimin e fëmijëve edhe gjatë grevës së paralajmëruar. Kjo sipas tyre është e rregulluar edhe me Konventën për të drejtat e fëmijës si dhe Ligjin për mbrojtjen e fëmijëve.
Emine Ismaili /SHENJA/
