Integrimet evropiane, ndryshimet klimatike dhe shpërngulja e të rinjëve, janë temat të cilat ishin në fokusin e takimit të sotëm të liderëve të rajonit, në kuadër të Procesit të Bërdo – Brionit.
Nikoqiri i këtij takimi presidenti Stevo Pendarovski u shpreh se ata kanë rënë dakord që të përforcojnë kapacitetet rajonale për të parandaluar ikjen e të rinjëve.
Stevo Pendarovski, president i RMV-së
“Porosia jonë e përbashkët është që të bëjmë përpjekje rajonale dhe bilaterale për të krijuar përspektivë që të rinjët të qëndrojnë në rajon dhe të realizohen në vendet e tyre. Më lejoni të shpreh kënaqësinë time që në këtë takim arritëm ta miratojmë deklaratën këtu në Shkup, për konstatimet e sotme”.
Presidenti kroat Zoran Millanoviq u shpreh që Kroacia dhe Sllovenia do të ndihmojnë që integrimi i vendeve të rajonit të mos prolongohet sikurse deri më tani.
Zoran Millanoviq, president i Kroacisë
“Kroacia dhe Sllovenia mund të ndihmojnë që kjo pjesë e Evropës të integrohet më shpejtë në BE dhe ajo filozofi dhe politikë e prolongimit të mos zgjatë aq sa ka zgjatur. Sa i përket kësaj mjetet dhe fuqit që e i kemi në dispozicion janë të kufizuara”.
Presidentja e Sllovenisë Natasha Pirc Musar tha se sivjet pas takimit do të ketë aksione konkrete.
Natasha Pirc Musar, president e Sllovenisë
“Kemi identifikuar që shtetet e Ballkanit Perëndimor të përfshihen në Roamingun e Evropës, si dhe anëtarësimin e vendeve të Ballkanit Perëndimor në mekanizmin e BE-së për përgjigje ndaj katastrofave natyrore”.
Të pranishëm janë edhe presidentja e Kosovës, Vjosa Osmani, presidenti i Shqipërisë Bajram Begaj, ai i Serbisë Aleksandar Vuçiq, i Malit të Zi Jakov Milatoviq dhe antarë të presidencës së Bosnje hercegovinës, Zhelko Komshiq, Denis Beqiroviq dhe Zhelka Cvijanoviq.
Liderët e rajonit që morën pjesë në mbledhjen e sotme, në vilën “Vodno”, arritën mbrëmë, ku u pritën nga presidenti Pendarovski. Procesi i Brdo-Brionit për të parën herë u mbajtë në vitin 2013, pas një iniciative të përbashkët të presidentëve të Republikës së Sllovenisë dhe Kroacisë.
Liderët e vendeve të procesit të Bërdo – Brionit takohen së paku një herë në vit.
Emine Ismaili /SHENJA/
