Ende nuk ka asnjë lëvizje për ndryshimet kushtetuese edhe pse vendi po numëron ditët për afatet kohore për të kryer këtë detyrim. Kryeministri Dimitar Kovaçevski ripërsëriti se në diskutimin e hapur në Kuvend për ndryshimet Kushtetuese, nuk ka pasur vërejtje në amendamentet e parashtruara.
Dimitar Kovaçevski, kryeministër
“Ndryshimet kushtetuese janë në rend të ditës. Seanca për ndryshimet kushtetuese është e hapur. Rendi i ditës është votuar. U hap diskutim ku të gjithë qytetarët u bindën se nuk egziston asnjë vërejtje sa i takon amendamenteve të parashtruara, sepse nëse do të kishte vërejtje, diskutimi do të avzhdonte ende”.
Në pyetjen se çfarë nëse edhe pas 31 dhjetorit nuk votohen ndryshimet kushtetuese, Kovaçevski u përgjigj se ky proces nuk do të mbyllet deri sa të kryhet detyrimi që burojnë nga korrniza negociuese dhe konkluzat e miratuara në Kuvend.
Dimitar Kovaçevski, kryeministër
“Procesi nuk mbyllet. Ai proces është i hapur dhe do të jetë i hapur derisa nuk realizohet detyrimi jonë që RMV e ka në pajtim me korrnizën negociuese dhe në pajtim me konkluzionet e Parlamentit, që janë votuar me shumicë deputetësh nga numri dominant i partive politike në shtet. Pas atij vendimi, vijojnë vendime të tjera me shumicë prej dy të tretave”.
Nënkryetari i Komisionit Evropian, Xhozef Borell, gjatë qëndrimit të tij në vendin tonë, në Samitin e OSBE-së, porositi që nëse RMV dëshiron të bëhet pjesë e BE-së, duhet të sillen ndryshimet kushtetuese. Ndërkaq, VMRO këmbëngul se nuk do ti votojë ndryshimet kushtetuese.
Emine Ismaili /SHENJA/