Bajerni i Mynihut triumfoi mbrëmjen e sotme ndaj Union Berlinit me rezultatin 1-0, në duelin e prapambetur të vlefshëm për javën e 13-të të Bundesligës. Skuadra e trajnerin Tuhel iu fal golit të Guerreiros në minutën e 46-të, duke ngushtuar diferencën në 4 pikë nga kryesuesit e Leverkusen.
Vlen të theksohet fakti se në minutën e 55-të, bavarezët shënuan edhe të dytin me Kejn, por goli u anulua për pozicion jashtë loje. Ky ishte triumfi i 14-të në 18 javë për kampionët në fuqi të Bundesligës që në duelin e radhës do të përballen me Augsburgun në transfertë.
GOLI I GUERREIROS: VIDEO
Ndërkohë për sa i përket Union Berlinit, skuadra nga kryeqyteti po kalon një moment të vështirë, teksa endet në ujëra të turbullta, me një diferencën vetëm 3 pikë nga vendi i fundit në renditje.
PANORAMASPORT.AL