Arsenali triumfoi me rezultatin 4-1 në shtëpi ndaj Njukastëll, në duelin e vlefshëm për javën e 26-të të Premier Ligës.
Ky ishte triumfi i gjashtë radhazi për “topçinjtë”, të cilët u ngjitën në kuotën e 58 pikëve, dhe e shohin veten në vendin e tretë me vetëm 2 pikë diferencë nga kryesuesit e Liverpulit.
Autogoli qesharak i Botman, zhbllokoi sfidën duke i dhënë avantazhin Arsenalit. Goli i dytë u shënua nga Haverc në minutën e 24-t. Pjesa e parë u mbyll me rezultatin 2-0.
Në fragmentin e dytë të lojës, skuadra e Artetës shënoi edhe 2 gola të tjerë me Saka dhe Kivior në minutat 65 dhe 69. Golin e nderit për Njukasëll e shënoi Uillok në minutën e 84. Duelin e radhës Arsenali e luan ndaj Shefild Junajtid në transfertë.
PANORAMASPORT.AL