Pesë milionë euro do të paguhen për të gjitha dëmet nga viti 2016 deri në vitin 2018, përfshirë përmbytjet në Haraçinë, si dhe për fermerët nga Prespa, deklaroi sot ministri i Bujqësisë, Pylltarisë dhe Ujërave Ljupço Nikollovski.
Sipas Nikollovskit, në seancën e kaluar të Qeverisë pra të martën, është miratuar raporti përmbledhës që përfshin 29 komuna dhe është përcaktuar 10 % për kompensim.
Ministri i Bujqësisë, Pylltarisë dhe Ujërave Ljupço Nikollovski
“Shuma e dëmit që do të paguhet është 300 milionë denarë. Në seancën e radhës, Ministria e Financave është e obliguar në përgatitjen e vendimeve për pagesën dhe transferimin e parave tek komunat, si dhe kërkuesve të cilët kanë pësuar dëme. Në këtë raport përmbledhës është përfshirë edhe Komuna e Resnjës. Besoj se fondet do të paguhen sa më shpejt. Gjithçka që duhej, qeveria bëri”.
Ministri i Bujqësisë, Pylltarisë dhe Ujërave Ljupço Nikollovski, përkujtoi se për kompensimin ka qenë e nevojshme të ndryshohen dy ligje për bujqësi dhe për mbrojtje e shpëtim, pas së cilës është miratuar metodologjia e re dhe është formuar komisioni i ri shtetëror.
Medina Ajeti /SHENJA/
