Bundestagu gjerman të enjten do të debatojë dhe votojë për rezolutën në mbështetje të anëtarësimit të Maqedonisë së Veriut në BE dhe konfirmimit të gjuhës dhe identitetit maqedonas.
Rezoluta e titulluar “Mbështesim aktivisht Maqedoninë e Veriut në rrugën e saj drejt Bashkimit Evropian”, është propozuar nga grupi parlamentar në pushtet i SPD-së, të Gjelbërve dhe FDP-së. Në parlamentin gjerman do të debatohet edhe për dokumente të tjera, në fokus të të cilave është integrimi evropian dhe situata në Ballkanin Perëndimor. Është në interes të BE-së që 6 vendet nga Ballkani Perëndimor, të arrijnë stabilitet afatgjatë, thuhet në dokumentin që do të debatohet dhe votohet të enjten në Bundestagun gjerman.
DOKUMENTI
“Është në interesin e vetë BE-së që gjashtë vendet nga Ballkani Perëndimor, të cilat nuk janë ende anëtarë të BE-së, por janë të rrethuara drejtpërdrejtë nga shtetet anëtare të BE-së, të arrijnë stabilitet afatgjatë, sundim të ligjit dhe zgjidhje paqësore të mosmarrëveshjeve. Që kjo të ndodhë, këto vende duhet të anëtarësohen në BE”.
Qeveria e RMV-së së fundmi njoftoi se një shtet i madh anëtar i BE-së do të miratojë një rezolutë për njohjen pa mëdyshje të gjuhës dhe identitetit maqedonas, pa specifikuar se për cilin shtet bëhet fjalë.
Medina Ajeti Ali /SHENJA/
MARKETING
