Topçinjtë kanë një numër lojtarësh brenda skuadrës, të cilët mund të transferohen diku tjetër në këtë afat të janarit, ndërkohë që ka gjithashtu nevojë për shtesa në këmbim.
Sulmuesi serb i Fiorentinës, Dushan Vlahovic, është emri që siç duket do ta shohim tek Arsenali.
Sipas raportimeve, skuadra e Serie A është e prirur të shesë këtë muaj futbollistin serb, por kush është Vlahovic?
Dushan pasi u kualifikua në Kupën e Botës me Serbinë veshi fanellën me një nga këngët nacionaliste, e cila ishte himni i protestave të kishës në Malin e Zi.
Ceremonia e shugurimit të kreut të Kishës Ortodokse Serbe, metropolitit Joanikije në Cetinje në Mal të Zi, u shoqërua me trazira të shumta. Ceremonia në Cetinje i kishte zemëruar malazezët, të cilët e vlerësuan atë si fyerje ndaj vështirësive të Malit të Zi për sovranitet dhe pavarësim nga Serbia, pjesë e së cilës ishte nga fundi i Luftës së Parë Botërore deri në vitin 2006.
“Flamuri serb të valojë gjatë gjithë rrugës nga Prizreni (Kosova) në Rumija (Mali i Zi)” .
Ndërsa në bluzat e veshura nga Radonjic dhe Vlahovic shkruheshin edhe fjalët “Veseli se srpski rode”. Këto janë vargjet e një kënge të Danica Crnogorçevicit, në të cilën përmendet Kosova.
Nuk ishte hera e parë që futbollistët serb provokojnë, anipse sipas rregulloreve të UEFA-s dhe FIFA-s, mesazhet politike apo nacionaliste janë të ndaluara në futboll.
/Insporti.com
