Një gjykatë e Vatikanit ka dënuar kardinalin italian Angelo Becciu me pesë vjet e gjashtë muaj burg për disa akuza për përvetësim.
Becciu është zyrtari më i lartë i kishës që është gjykuar ndonjëherë në Gjykatën Penale të Vatikanit.
Avokati i Becciut, Fabio Viglione, u tha gazetarëve në sallën e gjyqit se ai do të apelonte, duke thënë se klienti i tij ishte i pafajshëm.
Dhjetë të pandehur u akuzuan për krime të ndryshme duke përfshirë mashtrimin, shpërdorimin e detyrës dhe pastrim parash. Të gjithë e mohuan fajin.
Kryetarit të gjykatës, Giuseppe Pignatone, iu deshën 25 minuta për të lexuar të gjitha vendimet dhe dënimet.
Ashtu si nëntë të pandehurit e tjerë, Becciu u dënua për disa pika të aktakuzës dhe u lirua për disa të tjera.
Gjyqi zgjati mbi dy vjet dhe gjykata u mblodh 86 herë. /tesheshi.com/
