KIEV, 26 nëntor /ATSH-DPA/ – Rusia mund të përpiqet përsëri të pushtojë Kupyanskun në rajonin e Kharkivit, ndërsa forcat e Moskës vazhdojnë ofensivën e tyre në lindje të vendit të luftuar, paralajmeroi sot ushtria e Kievit.
“Okupatorët rusë nuk kanë hequr dorë nga synimi i tyre për të sulmuar qytetin e Kupyanskut, ata duan ta pushtojnë atë sërish”, tha zëdhënësi i ushtrisë ukrainase Volodymyr Fityo.
Trupat ruse kanë rifituar iniciativën në verilindje të Ukrainës në javët e fundit dhe kanë avancuar në zonë.
“Luftimet tani po zhvillohen rreth fshatit Synkivka, disa kilometra në verilindje të Kupyanskut”, tha Fityo.
Ushtria ukrainase ka zmbrapsur katër sulme ruse në këtë zonë.
Rusia nisi pushtimin e saj në shkallë të plotë të Ukrainës në shkurt 2022.
Vjeshtën e kaluar, Ukraina arriti të çlirojë pjesë të mëdha të rajonit të Kharkivit, duke përfshirë kryqëzimin kyç hekurudhor Kupyansk në lumin Oskil, si pjesë e kundërofensive të saj.//a.i/