KIEV, 19 tetor /ATSH-DPA/-Presidenti ukrainas, Volodymyr Zelensky dhe politikanë të tjerë kryesorë zhvilluan sot një takim për të diskutuar masat emergjente të energjisë, pasi shumë nga objektet e vendit u shkatërruan për shkak të sulmeve të fundit ruse.
“Aktualisht, po punohet për sigurimin e burimeve të lëvizshme të energjisë për infrastrukturën kritike në qytetet, qytezat dhe fshatrat e mëdha”, tha Zelensky.
“Ne po përgatitemi për skenarë të ndryshëm dhe pasojat e tyre. Ukraina do të mbrojë veten çfarëdo plani të ketë bërë armiku”, tha ai në një postim në Facebook.
“Ukraina po mbështetet gjithashtu në ndihmën e partnerëve të huaj për të blerë gjeneratorë”, sipas zyrës presidenciale.
“Specialistët ukrainas po punojnë për të riparuar objektet pasi sulmet e fuqishme që nga fillimi i javës së kaluar shkatërruan rreth një të tretën e centraleve në vend”, sipas burimeve ukrainase.
“Në Kiev, ngrohja qendrore do të ndizet sërish nesër”, deklaroi kryebashkiaku Vitali Klitschko, pasi i bëri thirrje publikut të kursente energjinë elektrike dhe të shmangte përdorimin e ngrohësve me ventilator ose kondicionerëve.//a.i/