BERLIN, 14 prill /ATSH-DPA/ Trupat e më shumë se 1500 ushtarëve rusë janë gjetur në qytetin juglindor të Ukrainës, Dnipro, sipas një zyrtari ukrainas.
“Ata ishin dërguar në katër morgje të ndryshme”, tha nënkryetari i bashkisë së qytetit industrial, Mychajlo Lyssenko, për stacionin televiziv “Nastoyashcheye Vremya” të financuar nga SHBA-ja.
Informacioni nuk mund të verifikohet në mënyrë të pavarur.
Sipas ushtrisë ukrainase, pothuajse 20 000 ushtarë rusë janë vrarë që nga fillimi i luftës së Rusisë në Ukrainë, gati shtatë javë më parë. Moska, nga ana tjetër, ka raportuar 1 351 ushtarë të vdekur nga radhët e saj. //a.i/