Presidenti finlandez, Sauli Niinisto, tha se do të zhvillonte bisedime “të hapura dhe të drejtpërdrejta” me presidentin e Turqisë, Recep Tayyip Erdogan, për të diskutuar ofertën e Finlandës për anëtarësim në NATO.
“Unë deklarova se si aleatë të NATO-s, Finlanda dhe Turqia do të angazhohen për sigurinë e njëra-tjetrës dhe marrëdhënia jonë do të forcohet kështu”, shkroi Niinisto në Twitter pas thirrjes së bërë publike.
“Finlanda dënon terrorizmin në të gjitha format dhe manifestimet e tij,” shkroi ai, duke shtuar: “Dialogu i ngushtë vazhdon”.
Kujtojmë se presidenti turk, Erdogan, ka vënë në dyshim nëse Finlanda dhe Suedia duhet të lejohen të bashkohen me aleancën ushtarake.
Rruga Press