Të paktën 30 persona u shuan dhe 100 u plagosën kur një tren doli nga shinat në Pakistanin jugor, konfirmoi një zëdhënës i policisë.
Disa vagona të Hazara Express u përmbysën pranë stacionit hekurudhor Sahara në Nawabshah, rreth 275 km nga qyteti më i madh i Karaçit, raporton BBC.
Pasagjerët e plagosur janë dërguar në spitalet e afërta. Ekipet e shpëtimit po përpiqen të çlirojnë njerëzit nga rrënojat. Aksidentet në sistemin e vjetër hekurudhor të Pakistanit nuk janë të rralla.
Në videot e publikuara në rrjetet sociale shihen dhjetëra persona në vendin e aksidentit dhe disa pasagjerë po dalin nga vagonët e përmbysur.
PAKISTAN – Le déraillement d’un train dans le sud du pays fait au moins 28 mort. pic.twitter.com/cN4Ba0g1Du
— ÉCHOS DE LA RDC (@ViveCongo) August 7, 2023
Një pasagjer që mbijetoi tha për BBC se pa shumë gra dhe fëmijë të shtrirë në tokë.
“Ata bërtisnin dhe bërtisnin. Nuk dija çfarë të bëja. I mbusha duart me ujë nga ky kanal aty pranë dhe e derdha në fytyrat e atyre që ishin pa ndjenja, duke shpresuar se do të rifitonin vetëdijen,” tha Naseer Ahmed.
Nasser tha se ai i mbijetoi aksidentit sepse “ra nga dritarja kur treni doli nga shinat”.
Aslam, i cili ishte në tren me djalin e tij, tha: “Ne ishim duke fjetur kur papritmas gjithçka u përmbys.
Ministri i Hekurudhave Saad Rafiq tha se hetimet fillestare treguan se treni po udhëtonte me një shpejtësi normale dhe ata po përpiqeshin të përcaktonin se çfarë e shkaktoi daljen nga shinat. Mund të jetë rezultat i dështimit mekanik ose sabotazhit, shtoi ai.
Një zëdhënës i hekurudhës në Karaçi tha se të paktën tetë vagonë dolën nga shinat.
Ai tha se trupat ushtarake dhe paraushtarake së bashku me punonjësit e shpëtimit ishin në vendngjarje dhe ndihmuan në shpëtimin e pasagjerëve të bllokuar në vagona.
Pasagjerët e lënduar më rëndë u transportuan me helikopterë ushtarakë në spitale të largëta dhe të pajisura më mirë.
Zyrtarët thanë se operacionet e shpëtimit përfunduan në mbrëmjen e hershme të së dielës. /tesheshi.com/
