Tomas Frank, trajneri i Brentfordit, foli sërish në prag të ndeshjes së FA Cup kundër Ulves për të ardhmen e Ivan Tonej, një sulmues i synuar nga Arsenali dhe Çelsi, për të cilin, megjithatë, klubi i tij kërkon një tarifë shumë të lartë.
“A qëndron këtu në janar? Përgjigja është shumë e shkurtër dhe është po. Ai është një lojtar i Brentfordit dhe është këtu. Është e qartë se na mungojnë disa lojtarë sulmues, nuk e kuptoj pse duhet ta shesim atë. Do të doja ta kisha atë këtu për një periudhë më të gjatë”, u shpreh fillimisht trajneri i portierit të Kombëtares shqiptare, Tomas Strakosha, i cili është shok skuadre me Ivan Tonej
Frank vazhdoi më pas, duke iu përgjigjur pyetjes nëse ishte apo jo gati për një klub të madh: “Nëse do të më pyesnin ndonjëherë për ndonjë rekomandim, unë do të thosha se nuk më takon mua të them po ose jo.”
“Jam i bindur se ne do të jemi aktivë në treg. Do të marrim, në çfarë pozicioni…? Do të shohim. Unë pres që të jemi aktivë dhe është shumë e qartë se na duhet një mbrojtës i majtë”, përfundoi trajneri i Brentfordit.
PANORAMASPORT.AL