23-vjeçari Toni Domgjoni është në listën e trajnerit Bernard Challandes për takimin ndaj Suedisë dhe Gjeorgjisë si prurja më e re në Pëfaqësuesen e Kosovës, transmeton Insporti.
Anipse ende nuk ka marrë leje nga FIFA për të luajtur me Dardanët, mesfushori i talentuar tanimë ka aplikuar për pasaportën e Kosovës në Ambasadën tonë në Holandë.
Ka qenë faqja zyrtare e Konsullatës së Kosovës në shtetin holandez që ka publikuar disa foto nga aplikimi i Domgjonit për pasaportë.
“Toni Domgjoni është ardhja më e re në Kombëtaren e Kosovës në futboll. Ambasada e Kosovës në Holandë u nderua që e priti atë për aplikim të pasaportës. Suksese Toni”, ka shkruar faqja zyrtare.
Nga vera e vitit 2021, Domgjoni është bashkuar me skuadrën e famshme holandeze, Vitesse ku ka kontratë deri në vitin 2024.