Seriali “Rrushe” këto ditë u kthye në prodhimin kinematografik më të përfolur të momentit.
Kjo pasi në transmetimin e tij në televizionin Top Channel, u shfaq titrimi i serialit në shqip – ani pse ai i tëri është realizuar në gjuhën shqipe me dialektin e Kosovës.
E gjithë kjo “dramë” ka shkaktuar një valë reagimesh qesharake me meme nga më të ndryshmet në rrjetet sociale.
Një nga ‘meme’-të që ka bërë më së shumti bujë ka qenë krahasimi i thënies së famshme të Donald Veshaj në BBVA 1 “Më lër të flas”, me atë që kishte thënë dikur një qytetar në një intervistë me kërkesën për të folur.
Gjithashtu nuk kanë munguar edhe shakatë me fotografitë e vjetra dhe figurat e rëndësishme historike, duke vendosur titra krahasues mes dialekteve të gjuhës shqipe.
