Një tërmet me magnitudë 5.7 ka tronditur Rumaninë sot pasdite, dridhja e dytë me forcë të ngjashme që frikëson vendin brenda 24 orëve. Në të dyja rastet nuk janë raportuar dëme serioze.
Tërmeti i sotëm ndodhi në orën lokale 3:16 pasdite në Gorj (16:16 ora shqiptare) në jugperëndim të Rumanisë, në një thellësi prej rreth 40 km, sipas të dhënave të institutit sizmik të vendit.
Dridhjet raportohet se u ndjenë dhe në kryeqytetin Bukuresht dhe në qytetin verior Cluj. Në rrjetet sociale postoheshin pamje të rafteve të supermarketit nga ku binin produktet.
Autoritetet e emergjencës së krahinës Gorj thanë dje se nuk kishin marrë thirrje ndihme në lidhje me tërmetin.
Ky është tërmeti i dytë që godet rajonin rumun të Oltenia në dy ditë, teksa një tjetër u raportua të hënën, me magnitudë 5.2 në një thellësi prej 13.2 kilometra.
Disa pas-dridhje me magnitudë 3 pasuan të dyja tërmetet, raportonin nga vendi.
Top Channel
