Trajneri i Manchester United, Erik ten Hag ka folur për mediet në prag të ndeshjes ndaj Nottingham Forest.
Holandezi theksoi se njerëzit kërkojnë prej tyre që të fitojnë çdo ndeshje dhe se nuk kënaqen ndonjëherë.
“Ne ishim të pamposhtur në janar dhe pothuajse për të gjithë shkurtin, më pas humbëm një ndeshje. Nëse jeni Manchester United, ju duhet t’i fitoni të gjitha ndeshjet”-tha fillimisht ai.
Më pas i pyetur për Antony, tekniku i United shtoi se ia njeh cilësitë dhe se kur ai luan si në të kaluarën është i pandalshëm.
“Unë i njoh aftësitë e tij dhe ato janë të shkëlqyera. Kur ai luan si në të kaluarën, ai është i pandalshëm. Ai është një nga lojtarët më të shpejtë në metrat e parë të sprintit. Unë jam shumë i bindur se do të ketë sukses në të ardhmen. Jam i sigurt se ka karakter, është elastik. Do të luftojë, duhet të presë shansin e tij dhe jam i sigurt se kur të vijë, do ta arrijë atë”-deklaroi Ten Hag./Shqip
Top Channel
