TEL AVIV, 2 shtator /ATSH-DPA/ – Përfaqësuesit e sigurisë kombëtare nga Izraeli dhe Gjermania mbajtën bisedime strategjike “historike” në Jerusalem për herë të parë deklaroi zyra e kryeministrit izraelit Yair Lapid.
Në takim morën pjesë përfaqësues të ministrive të jashtme gjermane dhe izraelite dhe këshilltarë të sigurisë kombëtare, si dhe drejtori i Përgjithshëm i ministrisë izraelite të mbrojtjes, kreu i agjencisë së inteligjencës Mossad, drejtori i agjencisë izraelite të sigurisë dhe homologët e tyre gjermanë.
Mënyra e re e komunikimit u diskutua kur kancelari gjerman Olaf Scholz vizitoi Izraelin në mars “për të krijuar një kornizë për një dialog strategjik midis Gjermanisë dhe Izraelit që do ta çojë bashkëpunimin e dy kombeve në nivele të reja”.
“Pjesëmarrësit diskutuan një gamë të gjerë çështjesh të sigurisë kombëtare. Pjesëmarrësit izraelitë paraqitën rrezikun që paraqet nga këndvështrimi i Izraelit nga një kthim në marrëveshjen bërthamore me Iranin.
Të dy palët ranë dakord të vazhdojnë ta mbajnë këtë dialog në baza të rregullta”, thuhet në deklaratën e zyrës së Lapidit.
Scholz ra dakord në mars për diskutime gjysmë-vjetore me Naftali Bennett, i cili ishte kryeministër i Izraelit në atë kohë. /os/
