TEL AVIV, 8 prill /ATSH-DPA/- Ushtria izraelite tha sot se kishte vrarë një komandant të lartë në terren të forcave elitare të Hezbollahut Radwan gjatë një sulmi ajror në Liban gjatë natës.
“Ali Ahmed Hassin dhe dy luftëtarë të tjerë të grupit të armatosur pro-Iranit u vranë në qytetin jugor të Libanit Sultaniyah”, thanë Forcat Mbrojtëse të Izraelit (IDF).
Hezbollah konfirmoi vdekjen e komandantit, por nuk dha detaje të tjera.
IDF tha se pozicioni i Hassin ishte i krahasueshëm me atë të një komandanti brigade dhe se ai fshihej pas sulmeve të fundit në vendet civile në Izraelin verior.
Që nga fillimi i luftës së Gazës pas masakrës së Hamasit në Izrael më 7 tetor, ka pasur konfrontime të përditshme, ndonjëherë edhe vdekjeprurëse, mes Izraelit dhe Hezbollahut. Sulmet ndërkufitare kanë nxitur frikën e një fronti të dytë lufte.
Të dielën u mbushën gjashtë muaj që kur Izraeli filloi luftën e tij shkatërruese ajrore dhe tokësore në Rripin e Gazës në përgjigje të masakrës nga Hamasi dhe grupet e tjera militante që shkaktoi vdekjen e rreth 1200 personave dhe më shumë se 200 të tjerë të u morën peng.//a.i/
