Presidenti i La Ligas, Javier Tebas ka deklaruar se Real Madrid do të nënshkruajë me sulmuesin e PSG-së, Kylian Mbappe në fund të sezonit.
Asnjë nga tre palët e përfshira nuk e ka konfirmuar lëvizjen.
Tebas tha për Movistar+: “Po, jam praktikisht i bindur për këtë.
Tani duket e sigurt që ai nuk do të vazhdojë karrierën e tij në PSG dhe në Europë ka pak ekipe që mund ta përballojnë atë.
“Për më tepër, nëse mendojmë se merkato angleze është ngadalësuar, gjithçka sugjeron se e ardhmja e tij është në një ekip spanjoll dhe në Spanjë vetëm Real Madrid ka mundësinë për ta blerë atë.
“Unë pothuajse do të thoja se është e sigurt. Unë i jap atij më shumë se 99% mundësi që ai të luajë për Real Madridin duke filluar nga sezoni i ardhshëm”.
