Tashmë është zyrtare: Paul Pogba është sërish një lojtar i Juventusit. Pas formaliteteve që u kryen ditën e shtunë, klubi bardhezi ka zyrtarizuar kthimin e francezit, që ka firmosur një kontratë deri në 30 qershor të vitit 2026.
Mesfushori kthehet në Torino pas 6 vitesh si një lojtar i lirë, pasi nuk rinovoi kontratën me Manchester United.
Pogba do të veshë fanellën me numrin 10-të, që kishte lënë në vitin 2016 dhe më pas u trashëgua nga Paulo Dybala.
“Mezi pres të rifilloj dhe të fitojmë së bashku”, ka qenë mesazhi i francezit për popullin bardhezi. Nesër në orën 15:00 është programuar konferenca e prezantimit të lojtarit. / Oversport.tv
Foto: JuventusFC Twitter
😍😍😍 @paulpogba 🔟 #POGBACK
— JuventusFC (@juventusfc) July 11, 2022