Ish-kryeministri britanik Boris Johnson zhvilloi një takim me Donald Trump për rëndësinë e një fitoreje të Ukrainës ndaj Rusisë.
Sipas deklaratës së lëshuar nga zëdhënësi i tij, Johnson, një nga mbështetësit më të rëndësishëm të Ukrainës, i bëri komentet gjatë takimit në SHBA me ish-presidentin, i cili kandidon për t’u kthyer në Shtëpinë e Bardhë në vitin 2024. .
Kjo vjen pasi Trump refuzoi të deklaronte se donte që Ukraina të fitonte luftën, teksa theksoi se nuk e mendonte në aspektin e fitores dhe humbjes.
“Unë dua që të gjithë të mos vdesin. Ata po vdesin. Rusët dhe ukrainasit. Unë dua që ata të mos vdesin”, tha ai.
Ai gjithashtu refuzoi të angazhohej për të vazhduar mbështetjen e Ukrainës me ndihmë ushtarake nëse fiton garën presidenciale të vitit 2024.
“Ne po japim kaq shumë pajisje, nuk kemi municion për veten tonë tani“, ka deklaruar ai më parë.
Trump ka pohuar më parë se lufta rusë në shkurt 2022 nuk do të kishte ndodhur nëse ai do të ishte në Shtëpinë e Bardhë.
Top Channel
