Selektori i Kombëtares shqiptare, Sylvinho ka paralajmëruar se do ta freskojë ekipin e tij me lojtarë të rinj për ndeshjet e ardhshme.
Pasi u përforcua me Arbnor Mujën e Mirlind Dakun, trajneri brazilian ka paralajmëruar prurje të reja tek Kuqezinjtë, mbi të gjitha me lojtarë nga kampionati shqiptar.
Sylvinho, i cili po e bën mrekullinë me “Shqiponjat” në kualifikimet e Euro 2024, në një intervistë për Euroneës Albania ka zbuluar se do t’i ftojë lojtarët si Arinaldo Rrapaj e Andi Hadroj nga Partizani apo edhe Redi Kasa, ish-futbollist i Egnatias, i huazuar së fundmi te Olimpija e Lubjanës.
“I ndjekim me vëmendje, Rrapaj, Hadroj, por edhe Redi Kasa, po e shohim”, tha Sylvinho.
