Marko Arnautoviç shënoi në ndeshjen ndaj Xhenoas golin e tij të parë në këtë sezon në Serinë A. Një gol i cili për sulmuesin austriak është i pari në karrierë si zikaltër në Serinë A dhe shënon një statistikë me të vërtetë të pazakontë.
Sulmuesi ishte pjesë e Interit në sezonin 2009-2010, por asokohe nuk tundi rrjetën në tre ndeshjet që luajti me skuadrën e cila më pas fitoi “Triplete” të famshme. Ndaj atij iu desh që të priste për 14 vite deri në rikthimin e tij te zikaltrit, për të shënuar për herë të parë në Serinë A me Interin, për fat të keq pa i sjellë suksesin skuadrës në ndeshjen që u mbyll 1-1.
Njëkohësisht, ai u bë austriaku i dytë në historinë e klubit zikaltër që tund rrjetën në kampionat. I pari ishte Herbert Prohaska, i cili ka shënuar 8 herë me këtë fanellë në vitet 1981-1982.
PANORAMASPORT.AL
