Sezoni vjeshtor i kampionatit në Ligën e dytë vazhdon sot dhe nesër me ndeshjet e javës së tetë. Në këtë xhiro në program janë disa ndeshje të “nxehta” që edhe mund të ndikojnë në rrjedhën e renditjes në këtë kompeticion të garave.
Java e tetë e sezonit vjeshtor hapet me ndeshjen e dy skuadrave fqinje Osogova dhe Kamenica Sasa, ndërkaq të dielën në program janë shtatë takimet tjera të kësaj jave.
Lideri në tabelën e klasifikimit para tifozëve të flaktë të cilët nga ndeshja në ndeshje, janë me numër në rritje të fansave të tyre. Kësaj radhe ekipi në stadiumin e Vrapçishtit do të përballet me ekipin e Vardarit të Negotinës që aktualisht me 2 fitore dhe pesë humbje mbanë pozitën e 13-të . Futbollisti më përvojë të madhe në ekipin e Besës, Armend Alimi në prag të këtij takimi thotë se ekipi i tij asnjëherë nuk do të nënvlerësoj kundërshtarin por gjithmonë suksesi duhet arritur me angazhim maksimal të të gjithëve. Pra edhe kësaj radhe duhet ë japin më të mirën nga vetja të gjithë futbollistët.
Një ndeshje shumë e rëndësishme të dielën zhvillohet mes bashkimit dhe Kozhufit. Skuadra kumanovare pas disa dështimeve është e vendosur që kundër Kozhufit me lojë dhe angazhim të të gjithëve të fitojnë pikët.
Arsimi i Çegranit ka udhëtim të vështir kundër Ohrit në stadiumin “Biljanini Izvori”, ndërsa në ndeshjet tjera Bellasica takohet me Novacin. Teteksi me Karaormani, Pobeda me Detonit Pllaçkovica ndërsa një ndeshje interesante pritet mes dy ish skuadrave të Ligës së pare Pelisterit dhe Skopjes. Të gjitha ndeshjet e javës së tetë fillojnë në orën 14:00.
Të shtunën në ora 14:00, takohet
Osogovo – Kamenica Sasa
Të dielën në ora 14:00, takohen
Bashkimi – Kozhufi
Belasica – Novaci
Besa 1976 – Vardari
Ohrid – Arsimi
Pelisteri – FK Skopje
Pobeda – Detonit Plaçkovica
Teteksi – Karaormani