Milan Skriniar u shfaq shumë i i lumtur pas ndeshjes me Juventusin. Qendërmbrojtësi foli direkt për DAZN dhe theksoi se tani vetëm pikët kanë rëndësi.
“Janë tre pikë që vlejnë shumë dhe ne e dinim këtë. Jam i lumtur me ekipin, pasi luftuam deri në mintën e fundit. Ishte një fitore dhe një sakrificë që na duhet.
Tani kemi një shtysë të madhe për ndeshjet e ardhshme. Nuk patëm shumë shkëlqim, por ndeshjet fitohen edhe në këtë mënyrë. Tani vetëm tre pikët janë të rëndësishme.
Po luajmë për titullin kampion dhe gjithçka është e hapur”, u shpreh Milan Skriniar pas ndeshjes së fituar kundër Juventusit, me një gol të Calhanoglu. / oversport.tv
