“Petit Futé” është një udhërrëfyes francez, gjerësisht ekuivalente me Lonely Planet. Së fundmi, ai ka vizituar Hanin e Elezit në Kosovë. Duke iu referuar burimeve të ndryshme, “Petit Futé” në ueb faqen e saj në internet, ka ardhur në përfundim se Hani i Elezit është pagëzuar sipas Elez Duhanit nga fshati Begracë i Kaçanikut, shkruan “Shtegu.com”. Ndër të tjera, portali në fjalë shkruan se Hani i Elezit nuk është një vend ideal për t`u ndaur rrugës për në Shkup, për shkak të çimentores, gurores dhe zonës industriale.
Nga ana tjetër, ai është i impresionuar me fshatrat Bravë e Nikaj, shtëpitë e të cilave janë ndërtuar me gurë diku nga viti 1780.
Fillimisht, qyteza është quajtur Sharr, ndërsa në shekullin XX, e ka ndryshuar emrin me ndërtimin e një hani nga një tregtar i pasur i Begracës, të quajtur Elez Duhani.
