Shpesh do të gjendeni në situata ku nuk do të arrini të kuptoni se si të përballeni me disa gjëra për shkak të mungesës së fjalëve. Në të njëjtën kohë, ju nuk mund të lexoni mendimet e njerëzve të tjerë dhe të deshifroni sjelljen e tyre.
Por e vërteta është se këto veprime në dukje komplekse janë rezultat i reaksioneve zinxhir ndaj disa problemeve të thjeshta. Mos harroni se, ashtu si gjuha, edhe mendja ka gramatikën dhe rregullat e veta.
Ju duhet të mësoni “gjuhën e mendjes” dhe ta përdorni atë në avantazhin tuaj. Do t’ju ndihmojë të komunikoni më lehtë, por edhe të kuptoni të tjerët. Mjafton të ndiqni këto truke psikologjike.
Nëse ndiheni nervozë, përtypni pak çamçakëz
Kur jeni nervozë, filloni të përtypni çamçakëz dhe vazhdoni derisa të ndjeni që nervozizmi të ulet. Duke e bërë këtë, ju po mashtroni trurin që të mendojë se nuk jeni aspak nervozë dhe se jeni plotësisht të relaksuar.
Heshtni pasi t’i bëni një pyetje dikujt, dhe dëshironi të dini përgjigjen
Kur i bëni një pyetje bashkëbiseduesit, por ai duket se po përpiqet ta shmangë atë, përmbahuni nga përsëritja e pyetjes dhe heshtni. Por ruani kontaktin me sy.
Kjo do t’i shkaktojë bezdi bashkëbiseduesit, prandaj, nën presion, ai përfundimisht do t’i përgjigjet pyetjes suaj. Sapo të fillojë heshtja e pakëndshme, ka shumë mundësi që bashkëbiseduesi të përpiqet ta plotësojë atë dhe t’ju zbulojë atë që fillimisht nuk donte t’ju tregonte.
Injoroni ata që ju ofendojnë
Nëse dikush po ju ngacmon ose ju poshtëron, gjëja më e mirë që mund të bëni është ta injoroni atë. Meqenëse njerëzit janë qenie shoqërore, ata gjithmonë presin që njerëzit e tjerë të reagojnë. Askush nuk dëshiron të flasë me murin. Ata mund të vazhdojnë t’ju lëndojnë, por kur shohin se nuk mund të bëjnë asgjë, do të ndalojnë. Në shumicën e rasteve, ata do të ndihen të turpëruar dhe do të pranojnë fajin e tyre.
Përshtypja e parë dhe e fundit janë më të rëndësishmet
Mënyra se si e prezantoni veten dhe si e përfundoni bisedën me dikë mund të thotë shumë për ju. Kjo sepse gjërat që ndodhin të parat dhe të fundit në një situatë të caktuar janë ato që mbeten në kujtesën tonë, krahasuar me atë që ndodhi në mes. Ju mund ta përdorni këtë truk në shumë situata ku dëshironi të lini një përshtypje të parë të mirë, të tilla si një intervistë pune, një punë e rëndësishme ose një takim romantik.
Vëzhgoni gjithçka
Dëshironi të dini se kush ka inat kë? Vetëm vëzhgoni me kujdes. Shikoni në sy dhe reagimet e tyre. Fuqia juaj e vëzhgimit mund t’ju ndihmojë të kuptoni se çfarë po mendojnë vërtet të tjerët. Njerëzit priren të qeshin ndërsa flasin me personin që pëlqejnë dhe nëse nuk e durojnë dikë, heshtin ose nuk shfaqin asnjë emocion ndaj atij personi.
Kini kujdes që njerëzit të mos zbulojnë gjithçka për ju
Ky është një nga truket më efektive për jetën tuaj shoqërore. Njerëzit tërhiqen nga ata që mbajnë me vete një “aurë misteri” dhe nuk zbulojnë gjithçka që ndodh në jetën e tyre. Nëse jeni shumë të hapur ndaj detajeve të jetës suaj, rritni shanset që të tjerët të përfitojnë nga ju. Jini plotësisht të sinqertë, por mos ndani gjithçka me të gjithë. / bota.al
