Në ndeshjen e fundit kualifikuese për Kupën e Botës, kombëtarja zvicerane priti Bullgarinë në Lucern. Në të njëjtën kohë, Italia duhej të luante në Irlandën e Veriut. Por vetëm Zvicra arriti të bindë. Ajo krijoi një festë golash, ndërsa Italia zhgënjeu
Në orën 21:50 për herë të parë u krijua gjendja e jashtëzakonshme në Sëissporarena të Lucernit. Pas disa rasteve të humbura për shënim, mbi një duzinë goditjesh mediokër dhe mbi 70 për qind posedim të topit, nyja më në fund shpërtheu në minutën e 48-të të lojës.
Kapiteni i Zvicrës, Xherdan Shaqiri, krosoi në top në ndeshjen e tij të 100-të ndërkombëtare për Zvicrën me ndjenjë në zonën e penalltisë dhe futbollisti Noah Okafor shënoi për 1-0. Rezistenca e bullgarëve u thye dhe kombëtarja me të vërtetë rriti shpejtësinë – krijonte raste shënimi çdo minutë, informon portali Shtegu. Në minutën e 57-të të lojës, zvicerani Ruben Vargas e goditi topin në portë për të shënuar rezultatin 2-0.
Në minutën e 72-të, tifozët zviceranë në stadiumin e shitur më në fund mundën të brohorisnin sërish: Pas një krosimi të Renato Steffen, Cedric Itten me kokë bën rezultatin 3-0.
Kjo lojë ushtroi me të vërtetë presion në drejtim të Irlandës së Veriut, ku kampioni i Europës, Italia tregoi një paraqitje të dobët dhe nuk mundi të shënonte gol. Dhe në orën 22:34 bileta e Kupës së Botës ishte prenotuar patjetër. Remo Freuler shënoi për 4-0 për Zvicrën dhe thuajse në të njëjtën kohë përfundoi edhe ndeshja në Irlandën e Veriut. 0-0 mes Irlandës së Veriut dhe Italisë. Italianët u zhgënjyen.
Nga ana e tyre, kombëtarja bëri detyrat e shtëpisë dhe arriti pjesëmarrjen në Botëror. Asnjë humbje në të gjithë fazën e grupeve, vetëm dy gola të pësuar dhe kampionët në fuqi të Europës dërgohen në barazh. Zvicra do të marrë pjesë në Kupën e Botës në Katar në vitin 2022!
Lojtar i ndeshjes, kush tjetër përpos Xherdan Shaqirit, i cili në minutat shtesë u zëvendësua, ndërsa i gjithë stadiumi brohoriste emrin e tij.
