Një letër rrëfimi është gjetur në makinën që përplasi në një turmë njerëzish në një rrugë të Berlinit, duke vrarë një dhe plagosur rreth 30 të tjerë, sipas Sky News.
Gazeta gjermane Bild citoi një hetues të thoshte: Ky nuk ishte aspak një aksident, dikush i tërbuar, një vrasës i ftohtë.
Por ministrja e Brendshme e shtetit të qytetit, Iris Spranger mohoi se kishte një letër rrëfimi dhe në vend të kësaj pretendoi se kishte disa pankarta në automjet.
Shoferi 29-vjeçar me shtetësi gjermano-armene është arrestuar, tha policia e Berlinit.
Zëdhënësi i policisë së Berlinit, Martin Dams tha më herët se nuk është e qartë nëse ishte aksident apo shoferi kishte përplasur me dashje turmën.
Ai ishte duke drejtuar një makinë të vogël Renault, raportoi Bild. Sipas dëshmitarëve, ai fillimisht u largua, por më pas policia arriti që ta prangoste.
Top Channel
