Policia izraelite përdori forcë fizike kundër anëtarëve të grupit anti-sionist Neturei Karta, të cilët varën një flamur palestinez në një lagje të banuar nga hebrenj ultra-ortodoksë në Al-Quds/Jerusalemin perëndimor.
Siç thuhet nga grupi dhe bazuar në pamjet e shpërndara në rrjetet sociale nga Organizata Ndërkombëtare e Hebrenjve Anti-Zionistë, policia izraelite ndërhyri ashpër kundër anëtarëve të grupit Neturei Karta në lagjen Mea Shearim në Jerusalemin Perëndimor.
Në video, oficerët e policisë izraelite mund të shihen duke i shtyrë me dhunë anëtarët e grupit dhe duke i goditur ata.
Neturei Karta njihet si një komunitet hebre ultra-ortodoks që kundërshton Shtetin e Izraelit dhe Sionizmin mbi baza fetare dhe morale, dhe është i njohur në mbarë botën për mbështetjen ndaj Palestinës.
Duke iu referuar shkrimeve të shenjta, por dhe përvojave historike, ata thonë se hebrenjtë duhet të qeverisen nga muslimanët. /tesheshi.com/
#Izraelska_policija upotrijebila silu protiv jevrejske anticionističke grupe #NetureiKarta #Izrael https://t.co/4qxMV6AIOp pic.twitter.com/O82Xa4ZQSh
— Anadolu BHSC (@aa_balkans) November 1, 2023
