KAROLINA E JUGUT, 13 nëntor /ATSH-DPA/ – Senatori republikan Tim Scott pezulloi fushatën e tij për president të Shteteve të Bashkuara të Amerikës.
Scott, një republikan i Karolinës së Jugut, i rizgjedhur vitin e kaluar për mandatin e tij të dytë të plotë në Senat, deri tani ishte kualifikuar për debatet presidenciale republikane, por kandidatura e tij nuk u ngrit kurrë në mesin e votuesve.
Scott, 58 vjeç, kohët e fundit ishte zotuar të përqendronte fushatën e tij në Iowa gjatë zgjedhjeve të janarit.
Njoftimi i Scott erdhi në një intervistë me ish-deputetin e Karolinës së Jugut, Trey Gowdy, i cili drejton një program të së dielës në mbrëmje.
Ish-presidenti Donald Trump ishte shumë përpara në fushën parësore republikane, pavarësisht se nuk mori pjesë në debate, dhe Scott në përgjithësi ka lënë pas kolegen e Karolinës së Jugut, Nikki Haley./ /os/
