ALABAMA, 4 mars /ATSH/ – Zëvndëspresidentja e Shteteve të Bashkuara të Amerikës, Kamala Harris bëri thirrje për pranimin e marrëveshjes së propozuar gjashtëjavore të armëpushimit në luftën midis Izraelit dhe Hamasit, duke kritikuar Izraelin për ofrimin e pamjaftueshëm të ndihmës për Gazën, shkruan lemonde.fr.
”Duke pasur parasysh shkallën e madhe të vuajtjeve në Gaza, duhet të ketë një armëpushim të menjëhershëm për të paktën gjashtë javët e ardhshme, që është ajo që është aktualisht në tryezë”, deklaroi Harris gjatë një fjalimi Alabama.
Komentet e Harris ishin më të fortat nga një zyrtar i administratës amerikane për Izraelin, pasi presidenti Joe Biden përballet me presion të madh për mbështetjen e tij për Izraelin ndërsa numri i të vdekurve civilë në Gaza rritet.
”Marrëveshja do të çojë në lirimin e pengjeve dhe mbërritjen e një sasie të konsiderueshme ndihme”, tha Harris duke i bërë thirrje Hamasit të pranonte marrëveshjen.
“Hamasi e dëshiron një armëpushim. Ka një marrëveshje në tryezë. Hamasi duhet ta pranojë atë marrëveshje”, theksoi ajo./ /os/
