UASHINGTON, 8 tetor /ATSH-DPA/ – Fondi Monetar Ndërkombëtar (FMN) ka miratuar kërkesën e Ukrainës për 1,3 miliardë dollarë fonde shtesë emergjente për të ndihmuar në ruajtjen e ekonomisë së saj.
FMN miratoi dje financimin, i cili do të vijë nga një program i sapokrijuar kreditimi emergjent.
”Paratë do të ndihmonin Ukrainën të përmbushë nevojat urgjente të bilancit të pagesave, duke përfshirë ato të shkaktuara nga humbja e të ardhurave nga eksportet e grurit”, tha FMN.
“Shkalla dhe intensiteti i luftës së Rusisë kundër Ukrainës që filloi më shumë se shtatë muaj më parë kanë shkaktuar vuajtje të jashtëzakonshme njerëzore dhe dhimbje ekonomike”, shtoi ajo.
”Ekonomia e Ukrainës parashikohet të tkurret me 35% në vitin 2022 dhe nevojat për financim mbeten shumë të mëdha”, tha FMN.
Në të njëjtën kohë, FMN vlerësoi qeverinë ukrainase për ruajtjen e stabilitetit financiar në rrethana jashtëzakonisht sfiduese./ a.jor.
