UASHINGTON, 18 prill /ATSH/ – Presidenti amerikan Joe Biden ka bërë thirrje për trefishimin e tarifave për disa nga produktet e çelikut dhe aluminit të importuara nga Kina, shkruan BBC.
Kjo është politika e fundit proteksioniste e miratuar nga Biden në fushatën e tij të rizgjedhjes kundër Donald Trump, i njohur për qëndrimin e tij të ashpër tregtar ndaj Kinës.
Shtëpia e Bardhë tha se ‘’propozimi synon të mbrojë vendet e punës në SHBA nga konkurrenca e pandershme”.
Kina ka mohuar më parë akuzat për hedhjen e çelikut dhe aluminit jashtë vendit.
‘’Dumping’’ është shitja e produktit të tepërt në një vend tjetër me një çmim shumë të ulët dhe shpesh mund të shkatërrojë tregun e industrisë vendase për atë produkt.
Çmimet kineze janë të ulëta për shkak të subvencionimit të qeverisë nga kompanitë që nuk duhet të shqetësohen për fitimin. Ata po mashtrojnë dhe ne kemi parë dëmin këtu në Amerikë”, theksoi Biden.
Ai tha se dhjetëra mijëra vende pune në industrinë e çelikut u humbën në fillim të viteve 2000 për shkak të importeve kineze, dhe ‘’ne nuk do të lejojmë që kjo të ndodhë më”.
Ambasada kineze në Shtetet e Bashkuara tha se “kundërshton fuqishëm” masat e propozuara të Biden.
Shtëpia e Bardhë tha se po shtyn gjithashtu për veprime kundër kompanive kineze që përpiqen të shmangin taksat kufitare të SHBA-së duke transportuar përmes Meksikës.
Ai propozoi një taksë kufitare prej 10% për të gjitha importet, e cila do të rritet në më shumë se 60% për produktet nga Kina./ /os/
