UASHINGTON, 7 tetor /ATSH-DPA/ – Presidenti i SHBA Joe Biden i ka premtuar Izraelit mbështetjen e vendit të tij pas sulmeve në shkallë të gjerë nga organizata ekstremiste palestineze Hamas.
“Izraeli ka të drejtë të mbrojë veten dhe popullin e tij”, tha sot Biden në një deklaratë.
“Shtetet e Bashkuara të Amerikës paralajmërojnë kundër çdo pale tjetër armiqësore ndaj Izraelit që kërkon avantazh në këtë situatë”, shtoi presidenti amerikan.
“Mbështetja e administratës sime për sigurinë e Izraelit është e fortë dhe e palëkundur”, theksoi ai.
Biden foli sot edhe me kryeministrin izraelit Benjamin Netanyahu./ a.jor.
