SEUL, 18 dhjetor /ATSH-DPA/ – Koreja e Jugut dhe Japonia thonë se Koreja e Veriut ka lëshuar një raketë me rreze të gjatë veprimi me aftësi bërthamore, e cila teorikisht mund të arrijë në territorin e SHBA-së.
“Raketa balistike e Koresë së Veriut u lëshua nga një kënd i pjerrët i lëshimit dhe ra në Detin Lindor (Detin e Japonisë) pas një fluturimi prej rreth 1000 kilometrash”, njoftoi Shtabi i Përgjithshëm i Koresë së Jugut.
Raketa e supozuar balistike ndërkontinentale (ICBM) ka potencialin të fluturojë 15 000 kilometra. Koreja e Veriut ka testuar tashmë disa herë raketa balistike ndërkontinentale këtë vit.
Ishte testi i dytë i një rakete balistike nga shteti njëpartiak në 12 orë. Sipas ushtrisë së Koresë së Jugut, Koreja e Veriut kishte testuar një raketë me rreze të shkurtër veprimi të dielën vonë në mbrëmje, pavarësisht urdhrave të OKB-së për ndalimin. /os/