Serfisti i Havaisë, Mikala Jones, ka vdekur në moshën 44-vjeçare pas një aksidenti fatal teksa bënte sërf në Ishujt Mentawai të Indonezisë të dielën.
Jones ishte i njohur në të gjithë botën e sërfit për fotot dhe videot magjepsëse që ai bëri brenda valëve të thyera, duke ofruar një perspektivë unike.
Detajet e sakta rreth vdekjes së tij janë të paqarta.
Vajza e Jones, Isabella, shkroi në Instagram se “babai i saj pësoi një aksident të keq në surf dhe nuk ia doli”.
Ajo i bëri homazhe babait të saj, duke ndarë foto nga fëmijëria me të dhe duke shkruar “Do të doja të ishe akoma këtu me ne, nuk duhej të largoheshe akoma. Kjo është shumë shpejt.”
Pas vdekjes së Jones, shumë nga komuniteti i sërfit shkruan në rrjetet sociale duke bërë nderimet e tyre. Kompania e veshjeve Reef, për të cilën Jones ishte më parë ambasador, lëshoi një deklaratë në kujtim të tij.
Ishujt Mentawai në provincën e Sumatrës Perëndimore të Indonezisë janë të njohur për disa nga pikat më të mëdha të sërfit në botë.
Legjenda e sërfit, Mick Fanning, i cili ka fituar tre tituj botërorë, ndau një foto të Jones dhe të tij në Instagram, duke shkruar “Shumë i tronditur kur dëgjova lajmin. Mikala ti ishe i vetmi në llojin e vet.”
Top Channel
