BEOGRAD, 30 mars /ATSH-DPA/ – Milosh Vuçeviç pritet të bëhet kryeministri i ri i vendit, pasi presidenti Aleksandar Vuçiç ngarkoi sot kolegun e tij të ngushtë partiak për formimin e qeverisë së re.
Vuçiç e bëri njoftimin sot në Instagram, më shumë se tre muaj pasi Partia e tij Progresive (SNS) fitoi zgjedhjet parlamentare.
Vuçeviç do të zëvendësojë kryetaren e mëparshme të qeverisë, Ana Brnabiç.
Vëzhguesit presin zgjedhje të qetë për Vuçeviçin sepse partia e tij ka një shumicë komode në parlament.
Avokati 49-vjeçar është zëvendëskryeministër dhe ministër i Mbrojtjes që nga viti 2022.
Në maj 2023, ai u zgjodh gjithashtu kryetar i SNS, duke zëvendësuar Vuçiçin në krye të partisë.
Në zgjedhjet e parakohshme parlamentare të 17 dhjetorit 2023, SNS mori rreth 47% të votave.
Aleanca liberale e opozitës ”Serbia kundër dhunës” (SPN) doli e dyta me rreth 23% të votave.
Zgjedhjet u shoqëruan me akuza për mashtrim nga opozita.
OSBE tha gjithashtu se rrethanat e votimit nuk ishin të drejta.
Serbia ka negociuar anëtarësimin në BE që nga viti 2014, por bisedimet kanë qenë të ngadalta./ a.jor.