Shërbimi i sigurisë FSB ka akuzuar një ish-punonjës të konsullatës amerikane në Lindjen e Largët Ruse për mbledhjen e informacionit në emër të Uashingtonit, ka raportuar agjencia shtetërore e lajmeve TASS.
Robert Shonov akuzohet për mbledhjen e informacionit mbi luftën në Ukrainë dhe çështje të tjera dhe për transmetimin e tij tek punonjësit e ambasadës amerikane në Moskë.
Në veçanti, ai dyshohet se ka dhënë detaje se si fushata e rekrutimit të Putin, po ndikonte në pakënaqësinë politike përpara zgjedhjeve presidenciale të vitit 2024 në Rusi.
FSB tha se kishte në plan të merrte në pyetje punonjësit e ambasadës amerikane që ishin në kontakt me Shonov. Shtetasi rus është arrestuar që prej muajit maj.
Në atë kohë, ambasada e SHBA tha se akuzat kundër Shonov ishin “krejtësisht të pabaza” pasi “roli i tij i vetëm në kohën e arrestimit ishte të përpilonte përmbledhje mediatike të artikujve të shtypit nga burime të medias ruse të disponueshme publikisht”.
Top Channel
