MOSKË, 29 qershor /ATSH-DPA/- Nën presionin e sanksioneve perëndimore, presidenti rus Vladimir Putin ka planifikuar zgjerimin e bashkëpunimit në sektorin e energjisë me partnerët e Azisë Qendrore.
“Aktualisht, vendet në kufi me Detin Kaspik bashkëpunojnë ngushtë në shfrytëzimin e fushave të gazit dhe naftës”, tha Putin sot në një takim të nivelit të lartë në ish-republikën autoritare Sovjetike të Turkmenistanit.
E ashtuquajtura Pesë Kaspiane përfshin Rusinë dhe Turkmenistanin si dhe Kazakistanin, Azerbajxhanin dhe Iranin.
“Rusia e konsideron zhvillimin e marrëdhënieve rajonale të tregtisë dhe investimeve si dhe thellimin e bashkëpunimit industrial dhe teknologjik si detyrën kryesore për të ardhmen”, shtoi Putin.
Në përgjigje të luftës kundër Ukrainës të nisur nga Rusia në shkurt, shtetet e BE-së, ndër të tjera, vendosën sanksione të gjera, duke përfshirë një embargo të gjerë ndaj naftës.
Që atëherë, Moska ka theksuar vazhdimisht se dëshiron të ridrejtojë tregtinë e saj në rajone të tjera të botës në të ardhmen. //a.i/