Pas pauzës për shkak të ndeshjeve ndërkombëtare të eliminatoreve për Kampionatin Europian, këtë fundjavë rikthehet kampionati vendor. Në program të xhiros së 25-të në Ligën e Parë janë pesë ndeshje, ndërsa xhiron e hap dueli ndërmjet dy skuadrave nga kryeqyteti, Makedonija Gjorçe Petrovi – Rabotniçki që zhvillohet të shtunën. Ky është takimi i vetëm që luhet të shtunën, përderisa katër ndeshje tjera janë në program të dielën. Duel interesant do të luhet në Strugë, aty ku liderja aktuale e elitës do të pret Akademia Pandevin.
Kampionët në fuqi do të përballen me Skopjen, ndërsa trajneri i ri Arslan do të ketë debutimin e tij në pankinën e Shkupit në një ndeshje zyrtare, pas largimit të Goce Sedlloskit.
Në Tetovë, Shkëndija do të pret Pobedën, përderisa Bregallnica takohet me Tikveshin.
Të gjitha këto takime të xhiros së 25-të do të luhen në termin të njejtë, duke nisur nga ora 15:00. Kujtojmë se pas 24-t xhirove, Struga kryeson Ligën e Parë me 46 pikë, katër më shumë se Shkupi që është në vendin e dytë dhe pesë më shumë se Shkëndija që renditet e treta. /SHENJA/
