RIGË, 16 dhjetor /ATSH-DPA/ – Lituania i ka dërguar Ukrainës më shumë se disa milionë fishekë dhe disa mijëra predha për sisteme portative antitank me rreze të shkurtër për mbrojtje kundër Rusisë, tha sot Ministria e Mbrojtjes e Lituanisë në Vilnius.
“Ne po dëgjojmë kërkesat urgjente të Ukrainës dhe po vazhdojmë mbështetjen tonë në përputhje me nevojat e shprehura. Ne po inkurajojmë aktivisht aleatët tanë të bëjnë të njëjtën gjë”, tha ministri i Mbrojtjes Arvydas Anusauskas.
Gjithashtu, u dorëzuan rreth 1000 shtretër portativ.
Ukraina ka mbrojtur territorin e saj kundër pushtimit të plotë të Rusisë për gati dy vjet dhe është kryesisht e varur nga mbështetja perëndimore për pajisjet ushtarake.
Lituania është një nga mbështetësit më të vendosur të Kievit.//a.i/
