Mesfushori i Kombëtares së Shqipërisë, Ylber Ramadani ka komentuar shortin e Kampionatit Evropian 2024 të kuqezinjve.
Shqipëria në Grupin B të Evropianit do të ketë punë me Spanjën, Kroacinë dhe Italinë, grup i cili është vlerësuar si “grupi i vdekjes”, shkruan lajmi.net.
Futbollisti nga Kosova theksoi se ai me bashkëlojtarë do të shkojnë në Gjermani për të bërë mrekullira.
“Siç e patë edhe grupin tonë. Ishte grup i vështirë me Spanjën, Kroacinë dhe Italinë. Do të shkojmë në Gjermani të shkaktojmë befasi. Shkojmë të tregojmë nivelin e skuadrës tonë. Edhe ne kemi pasur grup të vështirë në kualifikime. Kemi luajtur kundër Polonisë dhe Çekisë”- deklaroi Ramadani për faqen zyrtare të FSHF-së.
“Do të japim maksimumin dhe të marrim rezultate pozitive. Ne mund të bëjmë mrekullira në Gjermani. Forca Shqipëria”, shtoi Ramadani.
Ndeshjen e parë Shqipëria në Evropian e zhvillon kundër Italisë, pastaj ndaj Kroacisë, teksa takimin e fundit në grup e luan me Spanjën./Lajmi.net/
