Në shpallen e qeverisë së re, kryeministrja serbe Ana Brnabiç, shpalli ato që i quajti “vija të kuqe” për Serbinë në raport me faktorin ndërkombëtar.
Njëra prej tyre, siç mund të kuptohet, është Kosova, por jo e artikluar qartazi, më shumë e nënkuptuar.
“‘Vijat e kuqe’ të Serbisë janë të qarta për të gjithë” dhe se këto janë interesat e Serbisë dhe pavarësia e shtetit në vendimmarrje.
Ajo i quajti “vijat e kuqe” madje si të “shenjta”, duke theksuar se ato janë “interesat e Serbisë, pavarësia e plotë në vendosjen për të gjitha çështjet e politikës së brendshme dhe të jashtme në përputhje me interesat e saj kombëtare dhe me parimet e së drejtës ndërkombëtare”.
Te “vijat e kuqe”, siç tha ajo, përfshihen dhe mbrojtja e serbëve të Kosovës, duke ushqyer kësisij mitin se ata, serbët në Kosovë, po jetojnë ditë të zeza prej shqiptarëve. /tesheshi.com/
