Punëtorët e kompanisë “Ekoregjioni” në Suharekë për tri ditë ishin në grevë. Ata nuk u pajtuan me pagat që i kanë andaj vendosën ta braktisin punën.
Bisedimet mes tyre e udhëheqësve të kompanisë shkuan edhe më larg, derisa u deshtë edhe intervenimi i policisë, një ditë më parë. Drejtuesi i kompanisë, Burim Shala, i tha Klan Kosovës se ishte e pamundur ngritja e pagës deri në janar të vitit 2024, nëse nuk i ngrisin tarifat për qytetarët që për mbeturina paguajnë vetëm 4 euro e gjysmë në muaj.
Mirëpo, pasditën e së premtes, pas disa orësh komunikim, punëtorët dhe menaxhmenti ranë dakord që në javët në vazhdim pasi të miratohet çmimorja e re për qytetarët, atyre tu ngritët paga për 50 euro.
Kjo bëri që punëtorët të dalin në terren menjëherë.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
