PRAGË, 23 nëntor /ATSH-DPA/ – Qeveria çeke votoi sot për të zgjatur afatin e kontrolleve aktuale në kufirin me Sllovakinë deri më 3 janar, në një përpjekje për të luftuar kontrabandistët e njerëzve.
Masat e përkohshme, të përcaktuara për të përfunduar sot në mbrëmje, u zbatuan në fillim të tetorit.
“Rreth 399 000 persona i janë nënshtruar kontrolleve deri më tani”, sipas Ministrisë së Brendshme Çeke.
“Prej tyre, 1 167 persona ishin përpjekur të kalonin kufirin ilegalisht ndërsa ishin arrestuar 56 kontrabandistë të dyshuar të njerëzve”, sipas ministrisë.
Republika Çeke dhe Sllovakia janë pjesë e zonës së Shengenit pa viza të Evropës që nga viti 2007 dhe ndajnë një kufi prej 250 kilometrash.//a.i/